វេទិកាគោលនយោបាយបរិស្ថាន «គូសវាសអនាគតប្រព័ន្ធជីវៈចម្រុះសមុទ្រកែប»

---

ចូលរួមជាមួយពួកយើងក្នុងព្រឹត្តិការណ៍នេះ ដែលនឹងពិភាក្សាអំពី បរិស្ថាន ផ្ដោតលើ​ «គូសវាសអនាគតប្រព័ន្ធជីវៈចម្រុះសមុទ្រកែប»​ ដោយមើលពីក្រសែចក្ខុអ្នកឯកទេសអភិរក្សសមុទ្រនៅកម្ពុជា​។

ប្រពន្ធ័អេកូឡូសុីសមុទ្រនៅតំបន់ឆ្នេរខេត្តកែប គឺជាទ្រព្យសម្បត្តិធម្មជាតិដ៏សំខាន់មួយក្នុងចំណោមប្រពន្ធ័ទឹកផ្សេងទៀតរបស់ប្រទេសកម្ពុជាចំពោះជីវចម្រុះ ការផ្គត់ផ្គង់ស្បៀង និងការអភិវឌ្ឍសេដ្ឋកិច្ចជាតិ។ បច្ចុប្បន្ន ប្រពន្ធ័អេកូឡូសុីនេះកំពុងប្រឈមនឹងសម្ពាធជាច្រើន និងងាយរងគ្រោះទៅនឹងផលប៉ះពាល់នៃការប្រែប្រួលអកាសធាតុ ការកើនឡើងកម្តៅ ការទាញយកធនធានធម្មជាតិហួសកម្រិត​ និងបញ្ហាប្រឈមផ្សេងទៀតដែលមិនមានដំណោះស្រាយណាប្រកបដោយប្រសិទ្ធភាព​ ដែលទាំងនេះទាមទារឲមានការរៀបចំគំរូធន់សម្រាប់ការអភិរក្ស។ កម្មវិធីជំនុំគោលនយោបាយ នាឳកាសនេះ នឹងលើកយកប្រធានបទស្តីពី «វេទិកាគោលនយោបាយបរិស្ថាន៖ គូសវាសអនាគតប្រព័ន្ធជីវៈចម្រុះសមុទ្រកែប» មកជជែកពិភាក្សា ដើម្បីជំរុញកិច្ចសន្ទនាឆ្ពោះទៅមុខអំពីការគំរាមកំហែងផ្នែកអេកូឡូសុី ស្វែងរកយុទ្ធសាស្រ្តសម្រាប់ចីរភាពរយៈពេលវែង ព្រមទាំងប្រមូលផ្តុំអ្នកពាក់ពន្ធ័ចម្រុះដើម្បីរៀបចំចក្ខុវិស័យថ្មីសម្រាប់អនាគតបរិស្ថានកម្ពុជា។

---

ចុះឈ្មោះតាមរយៈតំណភ្ជាប់នេះ៖ https://forms.gle/LeNetFHJGCgY4yBm8

វាគ្មិនកិត្តិយស៖

• ​​​​​កញ្ញា ឡោ សម្ផស្ស -​ អ្នកដឹកនាំគម្រោងអប់រំ និងផ្សព្វផ្សាយ នៃអង្គការអភិរក្សសមុទ្រកម្ពុជា

ព័ត៌មានអំពីកម្មវិធី៖​

• កាលបរិច្ឆេទ៖ ថ្ងៃសៅរ៍ ទី២៦ ខែកញ្ញា ឆ្នាំ២០២៦   

• ពេលវេលា៖ ម៉ោង ៩:០០​ព្រឹក​​ - ១២:០០ថ្ងៃត្រង់

• ទីកន្លែង៖ វេទិកាអនាគត (Future Forum) នៅអគារ Legacy Business Center ជាន់ទី ៩ មហាវិថីម៉ៅសេទុង រាជធានីភ្នំពេញ (Google Maps)

• បទបង្ហាញ និងការពិភាក្សា៖ ជាភាសាខ្មែរ

• សម្លៀលបំពាក់ ៖ សមរម្យ (Smart Casual) 

ព័ត៌មានចំណត៖

• សម្រាប់ម៉ូតូ៖ លោកអ្នកអាចចតនៅចំណតខាងក្រោយអគារ Legacy Business Centre។

• សម្រាប់រថយន្ត៖ លោកអ្នកអាចចតនៅចំណតខាងមុខអគារ ឬនៅ The Point Community Mall។

---