បទបង្ហាញគំនិតតូច

«បទបង្ហាញគំនិតតូច» ផ្ដល់វេទិកាសម្រាប់អ្នកស្រាវជ្រាវវ័យក្មេងកម្ពុជាអាចបង្ហាញ​គំនិតគោលនយោបាយតូចថ្មីៗប្រកបដោយភាពច្នៃប្រឌិតទៅដល់សាធារណៈជន។ កម្មវិធីនេះផ្ដោតសំខាន់លើគំនិតតូចៗ និងដំណោះស្រាយគោលនយោបាយ ដែលមានលក្ខណៈជាក់ស្ដែង ហើយអាចឆ្លើយតបទៅនឹងបញ្ហាប្រឈមសង្គមប្រចាំថ្ងៃ ជាពិសេសសហគមន៍ងាយរងគ្រោះនៅក្នុងប្រទេសកម្ពុជា។ 

អ្នកស្រាវជ្រាវវ័យក្មេង ៤ នាក់ នឹងលើកយកនូវប្រធានបទសំខាន់ៗដូចជា៖ ១) ពន្ធលើភេសជ្ជៈផ្អែម ២) សៀមរាប៖ ពីទីក្រុងទេសចរណ៍ទៅជាសហគមន៍សម្រាប់អ្នកធ្វើការចល័ត ៣) ដាក់ភាសាអង់គ្លេសជាមុខវិជ្ជាស្នូលក្នុងការអប់រំមធ្យមសិក្សាសាធារណៈ ៤) ប្រាក់ចំណូលមូលដ្ឋានសកលសម្រាប់ស្ត្រីក្នុងសេដ្ឋកិច្ចក្រៅប្រព័ន្ធ ដើម្បីជជែកពិភាក្សា និងផ្លាស់ប្តូរទស្សនៈជាមួយអ្នកចូលរួមជាយុវជន អ្នកសិក្សាស្រាវជ្រាវ អ្នកអនុវត្តគោលនយោបាយ ក្នុងគោលដៅជម្រុញកិច្ចពិភាក្សារកដំណោះស្រាយគោលនយោបាយសមស្របផ្អែកលើភស្តុតាង ដើម្បីរួមចំណែកកសាងអនាគតកម្ពុជាមួយដែលប្រសើរជាងមុន។

---

• កាលបរិច្ឆេទ៖ ថ្ងៃសៅរ៍ ទី២៥​ ខែតុលា ឆ្នាំ២០២៥

• ពេលវេលា៖ ម៉ោង ៩:៣០ ព្រឹក ដល់ ១២:០០ ថ្ងៃត្រង់

• ចុះឈ្មោះនៅទីនេះ៖ https://forms.gle/zLT4pTbnZovpgShc7

• ទីកន្លែង៖ វេទិកាអនាគត Future Forum​  (Google Maps)

• បិទការចុះឈ្មោះ៖ ថ្ងៃសុក្រ ទី២៤ ខែតុលា ឆ្នាំ២០២៥ (៥:០០ ល្ងាច)